يا أيتها النفس.....

يا ذا النفس راكي سارة ولا مضبوعة* اتبعي في الفانيا وربك تنويه
مخلطا في المحرمة والمشروعة* قارية عند إبليس و تسقيي فيه
وانسيتي والعصر والواقعة* والحمد لله للجاهل والأمي  تكفيه
ماتحتاجي لا اكتاب لا موسوعة*  لوكان غير كتاب ربي اقريتي وافهمتيه
كلام ربي فيه آيات  مرتبة ومطبوعة* ماهو كلام مهبول ولا اللي يعالج  فيه
ربي سيدي خالق الأرض والسماوات المرفوعة* وخالق الإنسان والكون  ومافيه
واللي حاب يكلموا  بلاهاتف ولا خيوط مصنوعة* في السجود  مستنيك تتاصل بيه
بأصوات خافتة ولا مسموعة* وابدا بالصلاة على محمد صلى الله عليه
ربي عالم بالجاهرة والممنوعة* وراه حتى  شي ما يخفى اعليه
واللي حاب الرب يكلمو ويسقسيه* يتعوذ من الشيطان واصحابو وذويه
ويسمي باسم الله و ساعة على ساعة* يتصفح آيات القرآن تنورو واتشفيه