آآآآآآآ....ه ياالدنيا

آآآآ...ه يا دنيا وين رايحا بيا* خداعة من بكري عنها قالو
كنت  نمتع  بطني بالمقروط والزلابيا* وصرت نخاف من كل حلوا وفعالو
نخاف يطلعلي السكر  ويمرر عليا* ويثقل عقلي وقلبي باحمالوا
الميزان ثقل  والبارود يتكلم مساميا !!!!!* مرة نجري ومرة نصد  نوقف قبالو !!!
مرة سبع  و حاجتي مقضيا* ومرة  تراس   مانشبه لوالو !!!
مرة درويش ماشي بالنية*ومرة  شيخ زهمر  عقلو  دلالو
حال الشيوخ والعجايز في الدنيا* من عقوق الوالدين والكناين قوالو
الله يرحلنا رحول العافيا *قالوها لولين كيماقالو
من خوفهم من الرمية وقلة الحيا*والزلزال الحق لستة وثمنية ومازالو
غضب ربي والكون والأنبيا*والصالحين  في قبورهم يسقسو ويسالو 
ومرة صغير نلعب مع الذرية* ولادي زوج والثالث في حالو
ومرة كبير هايم في الدنيا *نخالط الشيوخ ونسمع واش قالو
ومرة نتوه مانعرف راسي من رجليا*نمشي  وفوق راسي  صباط بقفالو!!!!!  
ومرة راجل  واقف قد المسؤولية* وحر بالغمزة  وميزاني بأرطالو
لا ظالم لا مظلوم وصرفي معايا*والحديث قياس عني إذا سالوا
ومرة طايح  و محايني مساميا* متكسل ممدود والليل يحلالو
نحل ونحلل من قضية لقضية* وحليل القاضي  العادل في حكموا و قوالو
نغوص فيها  ونحاورها بالعقلية* وتسهل مرات و تمهل كيوالو
ومرات تتعقد وتصعب عليا* والرقاص  يبطى والساعات يطوالو
والصبر معايا  ويعاون فيا* مرة يبكي ومرة زهيالو
نستغفر  ونصلي ركعات  لمولايا* وندعي ربي جل جلالو
مابياش أنا  هذي حوال الدنيا* وحليل  المسكين ربي يلطف بحالو
نعمل بالقرآن  سورة وآية*غافر و الترتيب ستين من أقوالو
ماهو لا شعر ولا وحي عليا* والحامل جبريل  لمحمد هدالوا
يهدي الخلق والنفس الضالة بيا* والصلاة على محمد وآلو 

الم ترى ألم تر .....

 

ألم ترى شيخا تحت الشمس ينتظر* حليبا مقطرا ولو من لئيم قذر
أوقارورة زيت كاد سعرها ينصهر* في دكاكين  يعبد أصحابها الدينار والبقر
وهل  رأيت  الفواكه  بات سعرها جمر* يلهب الجيب  والقلب والسمع والنظر
وهل أتاك حديث في مجلس أو سهر*  أن الله غاضب والويل  لمن ظلم أو كفر  
ألم تر  أن بعض القوم قد خرجوا*وصف الجوع يأم الناس منتصر
ألم تر إلى   الزلزال كيف ذكرهم* وسلم الخوف يزداد والويل من سقر
ألم تر أن بعض القوم في سمر* كأن العقل مخمور والقلب  قد طمر
ألم تر كيف صار الناس في جشع*  والذل  بات له منطق ومختبر  
ألم ترى كيف الرعية  قد فسدت* وتولى الذئب  الرعي واتمر 

لغة الضاد.....

 

واش يعيب  لقمر  في الليالي الضوايا*  واش يعيب  الضاد في اللوح وأفظالو
بيها القرآن  نزل نور وهدايا* من خالق الكون ربي جل جلالو
تتنور لعقول  و القلوب غايا* وتطهر لبدان كاثوب من الذنب و أشكالو
محلاها بحروف مزينها بقرايا* وبالألف واللام وإلهاء أسمو وكمالو
بتلاث حروف  تكتب إسم مولايا* ولا إلاه إلا الله شهدالو
تعجز اللغات والناس القرايا*  والعقول محتارة والعلاما أذهالوا
موسعها بألفاظ قصة وحكايا* باللملاين لم  وألف والشاعر تحلالو