لميمة ......!

لميمة كالوردة  في جناني* ومسك الليل في الدنيا ندباها بيه
تعطف عليا ونرقد هاني* ندفا بلا غطا مانحوس عليه
كي تغيب عليا  يحزن وجداني*  مانعرف ندسو مانعرف نخفيه
راني  ننظم ونسطر في معاني*    شعر شعبي  مكتوب ومقريه

صلي على محمد النبي العدناني*  في سجودك ديما و أختم بيه
راه ربي يستجيب   في الحين وآني* كي يسمع أسمو في   الدعاء يزكيه
قالها ربي نستحى منو انا ثاني* لما تزكوا في السجود بالصلاة عليه
نستجيب في الحين  من مكاني*  و يرتاح عبدي ونحقق امانيه
الله اكبر  لا إلاه ثاني* والصلاة على محمد والسلام عليه

يا شعب ......!

زوخ 
الزوخ مشتق من إسمه والرأس زاخ بذاك الشنب
الريح طار بوبره* والعقل سافر واغترب
الخمر يسكن رأسه* والعقل يسكنه الأدب
لاتعجبن لأمره * * إن صحى ذاك هوالعجب
انهار ثلث المعالم* وزوخ يجهل مالسبب
قد  كان يحيي ليله* تحت العمارة منتصب
وريح النجاسة فائح* تبت يداه على ماكسب
************
 ابن بديس لا لم يمت* لكي نهان ونغتصب
قد أحيا شعبا خصاله* تنهال غيثا كالسحب
ياشعب صب واروي الثرى*لتحيا الجزائر والعرب

إعراب !....!

يسرقن فعل مضارع مبني على بعرة ! * لاتصاله بنون النسوة ضمير الشيطان
ونون النسوة فاعل  الصفرة والسمرة!!*  مبني على الفتحة والرشوة والديفان
طلية ولا زوج  على حيوط الحجرة* بحفنة دولارات   والمخبي بان ؟؟!
 ياربي  افضحهم  هذو  زريعة مرة* لا حشمة لا نيف هذو شياطين في صورة إنسان
الأحرار قالولهم  نرموها في خطرة* وربي يشهد  والقصبة عنوان
معلم تاريخي مهوش زريبة  عاهرة*  ولا سوق  النهب للشمايت والرعيان
وزنوها  لحرار  اللي يشوفو بالبصيرة*  وعزموا  يرموها  لاشرط  لا كتان!
والحر  قد كلاموا  بالصوت والصورة*  ابعثوا  للأتراك  وسقسو  أردوغان
وإذا  كان كذاب   وكلامو قصة وفزورة*  سبوه   وقولوا هذي من عند عبد الرحمان
والكذاب خلاصو  تفوه في الفاتورة* والراجل صادق  في كلامو  وثقيل في الميزان
طاحت العمارة وترسمت الصورة* وشاع الخبر في كل البلدان
واستشهدو خمسة  في دورة*  لحقوا  الشوهادة ذوك الشعان
اتعرا الزواخ والعصابة المجرورة*  وربي يمهل وما يهمل إنسان

في رمشة العين دارت الدنيا دورة* ولى الوالي زوخ في خبر كان
وجابوا الجاهل بأبوهريرة * اللي كان في باتنة يغسل بالديفان !
راح الشيطان وجا  بليس في قندورة!* ذاك الذيب من ذيك القطعان
حاسبين الشعب  خبز وبربورة* ولا مشوي بين الضروس والنيبان!
ايجي نهارك  يالغافل وتبانلك الصورة* والشعب يوريك  الراجل من الطحان

الحر حر وبالغمزة يقرا الصورة* ويقريك آيات من هذا الزمان
يقرأ بعينيه والدنيا   كتاب و سبورة* والصلاة على النبي العدنان

ألو ألو  راني بعثت الرقم والفاتورة* ردو عليا راه صوتي بح والقلب تعبان
وينهو النيف  وينهي ذيك الصورة* كيكانت للجزائر هيبة وميزان
الخبز والماء   والنيف و480في الصرة  !!! * وراسي في السماء  لا محقور  لامهان
العصابة المافيا شوهت الدين والقندورة!* تتقرب لدبغول وماكرون الطحان
واش يجيك من حلوف وخنزيرة!!*  في الزيقوا عايشين لا نيف لا إيمان
الويسكي والبيرة  و كه كه في الصورة* والزطلة وماكرون يسربي مع الشيطان!!!!
لا عقل لا دين  لا فكر لا بصيرة* مع الصهاينة تحالفوا على الجزائر والجيران
راهم يحلموا  مع الماك المغرورة!!!* الراس يضرط  و العقل خاوي وجيعان!
حاسبين الجزائر  وحيدة ومحقورة* ويداولو يقسموها كالسودان
الجزائر حرة وبرجالها مستورة*
والشعب من صيل  لفحولة والشجعان

ألو ألو .......!

ألو ألو  راني بعثت الرقم والفاتورة* ردو عليا راه صوتي بح والقلب تعبان
وينهو النيف  وينهي ذيك الصورة* كيكانت للجزائر هيبة وميزان
الخبز والماء   والنيف و480في الصرة  !!! * وراسي في السماء  لا محقور  لامهان
العصابة المافيا شوهت الدين والقندورة!* تتقرب لدبغول وماكرون الطحان
واش يجيك من حلوف وخنزيرة!!*  في الزيقوا عايشين لا نيف لا إيمان
الويسكي والبيرة  و كه كه في الصورة* والزطلة وماكرون يسربي مع الشيطان!!!!
لا عقل لا دين  لا فكر لا بصيرة* مع الصهاينة تحالفوا على الجزائر والجيران
راهم يحلموا  مع الماك المغرورة!!!* الراس يضرط  و العقل خاوي وجيعان!
حاسبين الجزائر  وحيدة ومحقورة* ويداولو يقسموها كالسودان
الجزائر حرة وبرجالها مستورة*
والشعب من صيل  لفحولة والشجعان
يا غافل  الدنيا كتاب وسبورة* أقرأ واحفظ وكيل  بكلام ميزان
 وعندك تنسى السبحة والقندورة* وصحا  فطورك  إلا راك صائم رمضان!
صلي وسبح  واقرا آية من كل سورة* واذا اقدرت أختم  القرآن
يا بن الجلفة ذيك البقعة المحقورة* وجارتها  بوسعادة وامجدل ومناعة العنوان
وروح للمسيلة ولبسكرة دير دورة* واركب لبن سرور و لباتنة أرض الفرسان
ولغرداية  تفكرك في مفدي بالصورة* والشعر المطروز كلام وبيان
ودهمي تندوف  و ذيك الصحرة المخزورة* و اشرب كأس اتاي مع الرجالة الشجعان
و اخطف خطفة لتيزي وزو وبجايا المشهورة* بزيت الزيتون ولجبال والويدان
وطل على  الغرب  وشطوطوا المنثورة* وكحل عينك في الزاهية وهران
وأقصد العاصمة  الباهية المذكورة*  بلاد  الصالح سيدي عبد الرحمان
 وطير  ياطير  لندن بالعدالة مشهورة* و ابعثلي  قشبية راني في فرنسا قويان!
وسال  على جلول ! وأكتبلوا في السبورة*
 خاوا خاوا  والنيف ماضي والدم  حامي و بركان

ربي خير من هنا ومن ثمة ......!

ربي خير من هنا ومن ثمة* والأرواح المومنة رآهم يتلاقاو
واللي عقلو كبير وراسو في القمة* مايقيضوش الحال من اللي باعو وشراو
يتمتع في دنيتو  اللي ماتدوم فيها لمة* ويتهلى في والديه اللي سهرو ورباو
ياسعدي  ببابايا  وميمتي زينة الهمة* عمرهم مانساوني ولا عني استغناو
بيهم  الحمد لله راني في نعمة *  ربي يقدرني ونريحهم مايحيرو مايعياو
 مانقيرهم مانجرحهم بكلمة * وربي يحفظ زوجتي تحرسهم وتخاف عليهم لايشقاو
ويكثر خير ربي وخويا مول الكلمة*  ودارو وزوجتو ماضاقو بيا ولا مني شكاو

ومكرون السفاح يحوس يبيتنا في الظلمة* يقرو فيه الجنون !!!! من  الألف للواو  !!!!
وين يروح  كادواتو معاه في الحزمة*  للرايس  تيشارت ! وللآخر  بومبو  وكاوكاو !!
والشعب    دايخ عايش في صدمة* قالوا  دخنا في الرايس  والدبايب راهم يفلاو  !!!!
نفخوه  كالبالون  ودزوه  في الزحمة!* ماعرف  واش  يدير  والحيوط راهم نداو!!!
اللي  يتقطا  بالريش ودارو في همة * مايهموش  الناس  يريحو  ولى  يشقاو
عايش يحلم  والكرسي منسيه حال الأمة* وأوامرو تتنفذ مابرطلوش     الناس يموتو ولى يحياو
هذا حال ماكرون  مع صحابو في اللمة !*  القليل  حقروه و الأغنياء زادو علاو
يحسب الكرسي كادو هداتولو العمة !* لعبة اكسبوكس ! 
لمدة خمس سنين يلعب مع اللي جاو!!!!
من بكري  خاليا  والناس لزت للزطلة والشمة! * للسكرة  زادوها  (في ضراط روسهم) لهموهم ينساو !!
والمهاجرين بيناتهم عايشين في أزمة* ضاقت بيهم أوروبا وفيهم اللي عليهم يتبلاو
اسكت بلع ماتزيدش ولا كلمة* ولى وين تروح تلقى ذئب  وعواو !!!!
في المستشفى يخرجلو اجرب !!! من ثم* لابس لبيض ويسقسيه علاه جيت ياهاو !
يسقسيه  علاه جيت  بلا حياء لاحشمة! * يستفزو  والاوجاع  اللي كانوا زادوا ولاو  !
وفي الإدارة  الفاسدة الخاربة للقمة!* يدوه ويجيبوه  ويهدوه Sinon! رانا  نتفاشاو !!!!
من pole-emploi  وصاحبتها في اللحمة! *
  lamaison d'emploi ccasلل
اللي ظلموا  تعداو  !

وهذا  البرلمان  اللي مايمثلنا في  كلمة* غلقوه ناس الخير اللي معانا  سناو
مارضاوش بالظلم والحقرة والأزمة* عندنا نفس لهموم وفي الشدة نتلاقاو
أقرأ واكتب  كلماتك في جملة* واشعر  ولى قصص   لليفهمو ويقراو

مول الحياء ما داوسو ماتوريه .....

مول الحيا ماداوسو  ماتوريه* حر وبلغمزا  يقرا لفكار
والبرهشي  ماتجالسو ماتساميه*  راه يحيرك  و يشعل فيك النار
راك تخالطو  قاتحصل فيه* يهملك بلامابيك  ويرحل  الجار
من صورة لصورة كيتحدث فيه* صوفة طائرة  بلا قرار
ماتعيي  روحك ماتصاحبو ماتعاديه* راه  يتحط يطول الزمان ولى يقصار
رانا في زمان  يالطيف عليه*  هذا اخرو  اللي ذكروه لخيار
قل الحياء  والظلم  ولى بيديه* وفي فرنسا موباج دليل المحتار
الشكام اهبل وشاور بعينيه* ومن  حسدو   اعمات عينو ياستار
جند كمشة كلاب ! ودارنا بين عينيه* ومرة  على مرة يبعثهم زوار
يسكرو في لمحل والأمر من لهيه* وفي التفتاش بداو بلا تصريح  وصار
بسلاحهم جايين معولين عليه* على خويا وعليا  في عز النهار
باسم القوانينن  ضحكو علينا بيه* وجاوني  في صورة في نص النهار
يحسبنا  خايفين  وهو الخوف عليه*  وتاريخو اسود   أصلو  غدار
مافيا  عايش بالسرقة وملطخ يديه*  كالجيفة ريحتو تصرع الجار
وين يروح ملعون و  لعنة الله عليه*  وتفوه عليه كافر مشرار
 المواطن  في غابة لا قانون يحميه* لا بوليس البوليس لا مخابرات   الدار
راها سابت  وبالرشوة صاحبك تدحيه* وبالتيليفون   في دقيقة تقطع مشوار
يجيبلهم ربي ضربة  من عند صالح يحميه* يفرح المظلوم  و الدولة تعمار هي والجار

ينعلهم المافيا  وين كانو لين بيهم وبيه* والله ما يربحو  لوكان يوصلو لقمار
يطيحو  طيحة  كلب على عينيه* حاسب روحو طاير وهو مرمي في سقار
حبل الكذب قصير  في دورة تطويه*  والصح الصحيح نعمة وتذكار
 مالقاونا  سراق والترافيك خاطيني وخاطيه*  لا حشيش المروك  ولا قبرة  الكفار
وسمعتنا  في  السماء  من بكري طهار* والحشمة  والنيف   كراما  وأحرار


 دس كلامي  مادرقو  ماتوريه*  واحفضو تاريخ  ودرسو للصغار !
باحكامو ووزانو حافض عليه*  واتمتع بحلاوتو  و حكم وأسرار !

 والصلاة على الرسول وعلى آله وذويه  * الصادق الأمين  ياطيب لذكار

رسالة عتاب.....!

بسم الله ابديت وعلى النبي صليت* توصل رسالتي وترسخ في لذهاني
وعلاه  بول امبلوا يسقسو عني* هذو المرخس  هوما سبابي في لمحان
بلملاين  من الشعب مسجل ثاني* أرواحو  و روحو  هذاك اللي كان
مايلقاو خدمة  مايخلوك هاني* مرة بالتهديد ومرة بالتشطان

يقينوني  بأوراقهم يبعدو  عني* نخدم  حر  خيرلي  من بول الشيطان😈
أعوذو  بالله  كنت عايش امهني*  حر بلابيهم  عايش  كالسلطان

اتفوه عليهم  وننعلهم ثاني*  مافيهم لا خير مافيهم لمان

6ملاين  راس مسجل ويعاني*  و pole-emploi  يشكي وحيران!
ورئيس المقاطعة راقد هاني* وباسم القانون يشرد في السكان
يرسل في  التهديد والوعيد جاني* عاود التسجيل وبيع الزطلة والديفان

حكمو فيهم ذوك بني صهيوني!*وفرانسا من بكري تابعة للماريكان

وين صدتها تصد  غارقا في الودياني*  والرايس الجديد  من لول تعبان!
أرجع للتاريخ في جيمو اللي كواني* في 2001 يوم 15جوان
التاريخ اسود  عايش كي البراني* وأنايا في جيمو  زايد  في المكان
صوتي بح وأنا نصرخ ونعاني* من عضات لكلاب ! وغدر الزمان
17عام  محسوبة بالدقايق والثواني* ماتبدلت  لحوال ماعشنا في أمان

عايش بالقطرة  من لاكاف نصواني*  وفي نص الشهر  ننقص في الميزان

عاسها على اللصوص    اللي هدوني* وبإسم القوانين خدعونا بلامان
ريحهم ليهم مانصيل  مانعاني*  مانسمع لا مارد  ما نعاشر فتان
ياسر  عليا وللسياسة واش اداني!*
مانفهم  فيها  مانبات  زعفان

......................................................
و دزيار  ودينارها    خبرهم جاني  *  كلاخردة في السوق لا قيمة شأن
ب300دينار  البنان  الفاني*  واذا لقيتو في  السوق خبر الجيران 
والطميش لحمر  كي الجمر كواني !*  والشعب مشرح فوق البنيان!
والبطاطا  الحمرا لونها شهاني!*  و البيضة خيروف غالي في لثمان
والثوم المنتن  محير جيراني !*  ويناه اللي يشريه غير فلان وفلان
والفلفل لخضر  عربي ومكروني!*يتحدث ! في السوق  جاري السلطان
تحسبو باسبور بيومتراني!*أخضر ولا احمر  فوق الميزان
الفواكه ناطقة  أويحيا غلاني!* والخضرة قالت ازول فلان
واللحم لحمر   وجزارو  ام هاني!*  أمير و سلطان  ولقدر و الشان!
واللحم لبيض  و العربي  سياني !*  لاعبين الحديد  سقسي الليكان
يعطيك الخبر و يقوى برهاني!* راه سبن ! ماسبن !😆😅😅   عبدالرحمان!

نكتب ونبعث رسالة حكم ومعاني !*  أقراها واحفض ب ين الميزان
فيها تعديلات  يتمتن بنياني*  مايهزو لاريح  ماتحركو لمحان
وأستغفر الله رب الأكواني* ومحمد نبينا نور وبرهان