رسالة عتاب.....!

بسم الله ابديت وعلى النبي صليت* توصل رسالتي وترسخ في لذهاني
وعلاه  بول امبلوا يسقسو عني* هذو المرخس  هوما سبابي في لمحان
بلملاين  من الشعب مسجل ثاني* أرواحو  و روحو  هذاك اللي كان
مايلقاو خدمة  مايخلوك هاني* مرة بالتهديد ومرة بالتشطان

يقينوني  بأوراقهم يبعدو  عني* نخدم  حر  خيرلي  من بول الشيطان😈
أعوذو  بالله  كنت عايش امهني*  حر بلابيهم  عايش  كالسلطان

اتفوه عليهم  وننعلهم ثاني*  مافيهم لا خير مافيهم لمان

6ملاين  راس مسجل ويعاني*  و pole-emploi  يشكي وحيران!
ورئيس المقاطعة راقد هاني* وباسم القانون يشرد في السكان
يرسل في  التهديد والوعيد جاني* عاود التسجيل وبيع الزطلة والديفان

حكمو فيهم ذوك بني صهيوني!*وفرانسا من بكري تابعة للماريكان

وين صدتها تصد  غارقا في الودياني*  والرايس الجديد  من لول تعبان!
أرجع للتاريخ في جيمو اللي كواني* في 2001 يوم 15جوان
التاريخ اسود  عايش كي البراني* وأنايا في جيمو  زايد  في المكان
صوتي بح وأنا نصرخ ونعاني* من عضات لكلاب ! وغدر الزمان
17عام  محسوبة بالدقايق والثواني* ماتبدلت  لحوال ماعشنا في أمان

عايش بالقطرة  من لاكاف نصواني*  وفي نص الشهر  ننقص في الميزان

عاسها على اللصوص    اللي هدوني* وبإسم القوانين خدعونا بلامان
ريحهم ليهم مانصيل  مانعاني*  مانسمع لا مارد  ما نعاشر فتان
ياسر  عليا وللسياسة واش اداني!*
مانفهم  فيها  مانبات  زعفان

......................................................
و دزيار  ودينارها    خبرهم جاني  *  كلاخردة في السوق لا قيمة شأن
ب300دينار  البنان  الفاني*  واذا لقيتو في  السوق خبر الجيران 
والطميش لحمر  كي الجمر كواني !*  والشعب مشرح فوق البنيان!
والبطاطا  الحمرا لونها شهاني!*  و البيضة خيروف غالي في لثمان
والثوم المنتن  محير جيراني !*  ويناه اللي يشريه غير فلان وفلان
والفلفل لخضر  عربي ومكروني!*يتحدث ! في السوق  جاري السلطان
تحسبو باسبور بيومتراني!*أخضر ولا احمر  فوق الميزان
الفواكه ناطقة  أويحيا غلاني!* والخضرة قالت ازول فلان
واللحم لحمر   وجزارو  ام هاني!*  أمير و سلطان  ولقدر و الشان!
واللحم لبيض  و العربي  سياني !*  لاعبين الحديد  سقسي الليكان
يعطيك الخبر و يقوى برهاني!* راه سبن ! ماسبن !😆😅😅   عبدالرحمان!

نكتب ونبعث رسالة حكم ومعاني !*  أقراها واحفض ب ين الميزان
فيها تعديلات  يتمتن بنياني*  مايهزو لاريح  ماتحركو لمحان
وأستغفر الله رب الأكواني* ومحمد نبينا نور وبرهان

عيش يالشعب الغالي....!

راهم يفتشو في زماني ذاك المقموم ! * على غليطة نخلصها بالغالي !
والحلالف بجراها تفتش  على المشموم* وتنجس في الماء ! جنوبي وشمالي
لهثوا و داخوا  بين الماضي واليوم * لا طرافيك  لا نبيض في مالي
لا حياء لا حشمة في ذالقوم*  مايجوش حتى كالخرية في سروالي
حاش الناس اللي تحشم وقلال هذا اليوم !* حوس بالمنظار ! تلقى بين مليون رخيس واحد غالي
الماء انتن ! و الخنازير  تغطس وتعوم* يحوسوني نرحل     هذو المافيا يا دلالي
راه يقلي  رايي قرف وصوم*  من  l'eau de ici!  مرضني وشينلي حالي
والله يومابيا نهمل ومانزيد فيها يوم*  ونعيش بالخبز والماء و  راسي في العالي
وكرامتي فوق    ربهم المعدوم ! * وتفوه على المافيا ويعيش الزوالي
واللي نيفو غاطسو في الزيقو ! المحموم*  كالخنزير  يأكل الجيفة !  وفي لوحال فالي
ا لخاشقجي  قطعاتو المافيا بالموس والقادوم*  وامريكا وخنزيرها ترامت  يساوم ويغالي
راح الراجل  ومات  بين ناسو مظلوم*
  وسرو معلق في جيمو مع سروالي !
المافيا مع المافيا  تتستر وتعوم* مابهمش الغرام  ! بيهم تتفضح أوساخهم لول بالتالي
تفوه  بيهم كل ساعة وكل يوم* شوهو الرب والدين والقانون ثمنوه ! رخيس ولى غالي
 السفاح محمي ويهدد بالموس والقادوم* والقانون  في جيبو قالك في المبعر ديالي!
عيش  عيش  يااااالشعب الغالي  !

استدعاني pole-emploi الظلوم.....!

استدعاني الكاذب  pole-emploi  المزعوم !* في 19 سبتمبر  لاقيتو ولاقالي
وبدات  المندوبة معايا تسبح وتعوم!* آليزي لايليزيه اسمعي وسمعي اقوالي
من سنة 2000 حتان هذا اليوم * ستفتلها  كمشة أخبار  وواشراني في حالي
تشتت أفكارها  وغيمت مع الغيوم* وكرسيها ولى ثلج !  أبيض اقبالي
مغطي بالألوان و بالأسود المشؤوم* ومن كثرة السؤال تخلط حالها مع حالي
وقاتلي  شينت على ذاك اليوم* قلتلها بيا الزهو ساكن في الجنة ! اللي هديتوهالي !
من اللي جيتكم  وأنا  عايش محروم*  لامن  قال  واشراه  ذاك  البوهالي !
لا خدمة لاتكوين والعيشة بالصوروم* ومرة  على مرة تهدوني   يادلالي
وكي مرت لعوام وشاب راسي من لهموم*  وكبرت  في السن وزادت أهوالي
مازالكم تتعداو وتتحلفو في المظلوم*  وباسم القانون تاكلو في حق الزوالي
بعثتني للCCAS وداخت في الشهر واليوم* من كثرة ماسمعت رشاح !من اللي  في بالي
ومن رئيس المقاطعة  جاها أمر محتوم*  تبعثني ليهم نمضي على أقوالي !
حسيت روحي كالبالو  يلعبو بيها القوم!* كي قابلني مندوبهم   كالالخيال قبالي
مضاني على الحضور  وتفرقنا ذلك اليوم* وراح  التقرير  لرايسهم  الغالي!
لاكلمة آسفين يامواطنا المظلوم* لا كلمة حق في وجه الظلام تحلالي

والمواطن راه  تايه في الغابة ! مهموم* يستنا في الفرج يجيه من عند  الرب العالي !
مافيهمش الخير  على العموم* مارد عليهم كالأول كالتالي
ينعلهم  الظلام وين كانوا بلا لوم* من jeumont  ل maubeuge حتان  élysée ! الخالي!
لوكان  قصر الإيليزيه عامر ومقيوم!*  بأهل الحكمة  وكلامهم مسموع وغالي!
وحقوق الإنسان فوق كل ظالم مشؤوم* محمية بالكيف ! أوبالسيف  ! تقوالي
لافرق في لون البشرة خالقها الحي  القيوم* والمواطن  في أمن  يميني  ولى شمالي!
مايهددنا الظالم في  ابسط حق معلوم* والRSA كالصيروم للزوالي
مايكون القانون سلاح في يد الظلوم*يطيح و يهدد  بيه فلان وفلان في العالي

راها تخلطت بكراع كلب !يامهموم* حتى الكلمة  تراقبت  في بالك و بالي !
نرسلها  كالطير  لمدرب في سماه يحوم *  موزونة ومستفة حكم في العالي 
والصلاة على محمد النبي المعصوم* وبالصلاة عليه يهدى خاطري وبالي

في الإتحاد قوة.......!

اتحدو ياناس  وكونو أهل كلمة وميعاد* مانا  صيل طحين  مانا  ذلالة

وشعب الجزائر من لجدود للحفاد*خاوة وبن عم ماتكونوش جوهالة
خيرو  من سبوعكم  واحد  صياد* الرجلة والنيف  ماهوش من والة
مول كلمة ما يخدع مايخلف ميعاد*  ماتهزو لرياح ماتحولو لحثالة
  في الشدة تلقاه  و الغبنة ولعياد* كي الصاحب الرفيق  في الدنيا  البهدالة
يخطف خطفة كي الطير الصياد*  فوق السما مدرب  يهجم قبالة
وين تلوحو تلقاه واقف قداد*  و حديثو اممضيه  ودمو يتقالة
خيرو شعبو يزدم ويقرص على الزناد* من الف سلطان  دالة بدالة
للرئاسة مرسولنا  جايها يخدم لبلاد*  حقولو  مورادو  وأهل الحق عوالة
تعوذوا من الشيطان برب العباد* واجتمعو على الحق كونو رجالة
حاربو الفتنة  الجيفة كونو أسياد*  ولموا  هذا الشتات رانا  في حالة
رانا ولينا كي ارم ذات العماد*  مانفع فيهم لا كتاب لا رسالة
اترباو على الكفر والفتنة ولحقاد* وحاربو الحق وأصحابو دالة بدالة

ياناس تفكروا ذوك لقوام قوم عاد* بدلو الخير بالشر  وحاربو العدالة

يا شعب الجزائر أهل الخير والسداد* وين كباركم وين فرسانكم والخيالة؟
وينهو عطية وولادو ولحفاد*  ولا كي النكوة  تبدلت الحالة؟!

يا ولادعطية  يا أهل  لجهاد*  تعرفكم لعروش  والناس القوالة
وينهو سيدي نايل  و أهلو الزهاد*  يادرا  سمعوني ولا لالا؟
رانا في غلبة يا صلاح لبلاد*  النية خابت في النسا والرجالة

ماعرفت  نهدا ولا نرحل من البلاد*  ولا نصوم   لكلام  مانقول لا إيه لا لالا  !!!!!!
  القلب اتعمر   واللمحاين في تعداد*  و الكرش كولات ومن لباسر راني في حالة

بن عبد الرحمان نظم وقرص على الزناد* وشانك يا بارود   تقدرو الفرسان والرجالة
وصلو على الرسول  خير العباد* الهادي  للنور  بعد الضلالة  

ببساطة .....!

إذا كنت تسكن لوحدك في  مكان ما  غرفة f0 !
فإنك تحتاج (على الأقل القليل  القليل ) إلى ما يلي  :

في الفترة الصباحية  :قليل من  الماء للشرب  (لا داعي لذكر الغسيل ...الى آخره ) ، كأس حليب ، خبز  و فنجان قهوة للتنشيط ( إن إستطعت  أن تتنشط! ) ! 
وهذا  مايعادل  على  الأقل  القليل القليل  5€
وبفرض أن  هذه  الوجبة  هي  ذاتها  في الغداء   والفترة التي بين العشاء   والغداء   وهي ذاتها  وجبة  العشاء  ! 
فإنك  تحتاج إلى  20€   يوميا وهو  ما تحت  أبسط  وجبة  (ولاداعي  لذكر   إن كانت  الوجبة  صحية  أم  لا  !   لأن  اطباء  البواسير   والجراحة و الأطباء  الآخرين   سيمتنعون  عن الطب  لأنهم  سيصابون  بأمراض  نفسية  و عضوية  وقد  يتحولون  إلى مجانين  من  الدرجة  الخامسة  ربما 
 عفانا و  عفاهم  الله  )! 
وعليه  فهو  يحتاج  إلى  600€شهريا
  كأقل  القليل  القليل  ليعيش  عيشة  أقل  بقليل من  عيشة  الحيوان   الأليف  ( لأن  الحيوان  المفترس  لا  يكفيه  الشعب  ولا الأطباء  ولا  المنظمات  الدولية لحقوق  الإنسان  ولا  حتى الحيوان )!
هذا وبالرغم من ذالك  نعيش تحت  الضغط  و التهديد  والوعيد  في أبسط  حق وهو  الRSA  وهو  شبيه  بالمصل ! بل هو  أقل من ذالك   بكثير 
وعليه  فكيف  سيتحمل  المواطن ( إن وجد عملا )(تحت الضغط )!  العيش   بكرامة ! بمبلغ  900€ شهريا   أو 1500€  ؟!!!  وبدون  apl   و لا  CMU  ?
 وهذا  طبعا  بفرض  وجود   الحرية و  العدل  والمساواة والأخوة   إن  وجدت    و أن التمييز العنصري غير موجود  .....وأن المافيا  بأنواعها  غير موجودة .....الخ!!!!! ?

إحصاء المسؤول وإحصاء الشعب.......!

  عندما  يحصي  المسؤول  عدد  ما تكسر  من  الأشياء  (والتي  يمكن  تعويضها  في وقت  وجيز ) من  طرف  الشعب  الغاضب  الذي خرج  إلى  الشارع   معبرا  عن عدم  رضاه  عن الطبقية  المتعفنة  والعنصرية  النتنة و عن  سياسة  الدولة  غير العاقلة  ولا الراشدة  داخليا وخارجيا وعن  الأحوال  الإجتماعية  والإقتصادية  المزرية  وعن  فقده  المستمر  للحرية  والمساواة  والأخوة  وحقوق  الإنسان  وعن كونه أصبح    المسؤول   والسياسيون  والأغنياء  ينظرون إليه
  كأنه  لاشيء لا امن  يحميه ويحرسه  و إن كان الأمن  في خدمة أصحاب  الملايير  عبدا  مطيعا !  ولا عدالة  تظمن له حقوقه كلها  وإن  كانت  العدالة  بعيدة  عن  الشعوب  قريبة  سامعة مطيعة  راكعة  لأصحاب  النفوذ  والمليارات   ولما  تحسست  الشعوب كل هذا الظلم والإحتقار لها     فخرج   كل شعب  من رحم هذه الشعوب يعبر  عن هذا  كله   بطريقة سلمية   بعد أن  ضاقت  به  السبل و   أغلقت  في وجهه جميع  الأبواب   رغم  ذالك  تم  صده  وإعتراضه   وإحتقاره   سياسيا  وإعلاميا  وتشويشه  وتشتيته  وإبتزازه  بكل  السبل    بعد  هذا  كله  يخرج  إليه  مسؤول  أصم  أبكم  لا  يعقل   وبدلا  من  أن  يحصي  آلام  شعبه   لا  نراه  إلا  وقد  أحصى  كم  ورقة  نقدية  تمزقت  و كم  كرسي  وطاولة  وسيارة  تكسرت   رغم  أن الشعب  يهان  ويتكسر  في  اليوم  مرات  لا تحصى   وكأن  الأشياء  ( والتي  يمكن  تعويضها  في لحظة  ) أهم  من  الشعوب   ومبادء حقوق  الإنسان  والمساواة  والحرية  والأخوة  ....الخ التي  لا تعوض   و التي كسرها  المسؤول والسياسيين  الفاسدين  والإعلام  الفاسد     ومن حذا  حذوهم 
وليته  يكون  برج  إيفل  le tour  de  eiffel
 الذي  تم  إفتتاحه  سنة 1889  كبوابة  العالم  بمناسبة  المعرض الدولي (وليس بوابة للحروب و بيع  أسلحة الدمار والخراب  الشامل و إستعمار ونهب  وسرقة  وقتل  وإستعباد  الشعوب )  أن  يكون  بوابة  ورمزا  لحقوق  الإنسان  و الحرية  والمساواة  والأخوة  وذالك  لأنه  في  تصوري  
Li (liberté )+e (égalité )+f (fraternité )+fe=li+eg+fr+fe=gr  eiffel=ح+م+ا=حر+مس+أخ

حمأ ، حما ، أمحح ، محرس، خرأ ، مسح .....الخ

صيحة .....

ياناس أطلقو سراحو*  قولولي  العدل وين
الحر راه  شاع صياحو* الطير عشو وين
ياااااااااالحرار فزو  ارواحو* بالقانون والحقوق والدين
السبع  قاحو جراحو*  تحاما عليه الرخس والطحين
من السما صب نواحو* يعيط للرب الزين
يااااااااااربي تقص جناحو* احمي عدلان لحنين
القلم والكتاب سلاحو* واللسانو والجبين
المرق وينهي ملاحو* والشاي سكرو فين
ياااااااااااربي احمي جناحو* يااااااارب  الثقلين
أنت خير من اللي جاحو *  والنيف  غرس في الطين
أنت خير  من اللي جاو وراحو*  وخلاو عبدك  في الزنزانين
ياااااااااااااربي داوي جراحو* وانصرو على الشياطين
الحاكم راه ضيع صلاحو*  وتصافح مع الظالمين
من بين يديه راح سلاحو* وطيحو بينا وبيه الفاسدين
 يااااااااوالشباب في الأخلاق قباحو*  وربي يلطف باااااالمسلمين
النظام  فسد  و الشوارع فاحو* وتخلط الزين مع الشين
والحكومة سيسانها راهم طاحو* والحمار ولى علينا عزرين
يااااااااااها الدولة رجالها إذا جاحو* كالكنز  المهجور  يطمعو فيه المجرمين
يااااااااالوح أطلق الطير سراحو* عدلان الملاح  حقوقنا وين
ياااااااالقاضي أطلق الملاح سراحو*  الطعام مسوس  واللحم شين !!!!
الكل يخمم غير في طلاحو !!* واش من صلاح بلا راي زين
الشباب في البحر ساحو* مع اللي ضاعو محسوبين
ياااااااااودموعي راهم طاحو * وحرقو  عيوني  والخدين
الحر عاد  امساه كصباحو* والدقايق ولاو سنين
القلب زاد في انواحو* والعقل  دار رأسين
يااااااااااااو الرجال وين راحو*  للمظلوم اعلاه حابسين
الراعي !  مايخاف من الكلب ونباحو*  ما يفرط في الصاحب الظنين
والفلاح !  ما يهمل أرضو  وامساحو * مايبدلها لوكان بقصر في الصين 
يااااااااااااو مول الأرض برياحو*  يشرب ويروي  الجنتين