انت

اقرا كلمة ولاسورة من الستين* الملائكة تحضر والجن يهتادو
ودارك تنور في رمشة العين* وبالك يرتاح وتزول احقادو
ماتحقر روحقك ولا لخرين*  وين راه مال قارون وين راها بلادو؟!
ما هو كل صلاي متفقه في الدين * ولا كل من هز كتاب عالم بوادو
وماهو  كل وضاي  طاهر اليدين* ولا كل ما صبت لمطار ربعت بلادو
وما هو كل من نواك عدوك مبين*  ولا كل من بانو  سنيه نرتاح لقعادو
وما هو كل من صل بالناس يحفض الستين*  ولا كل من  أحفض حديث من روادو
وما هو كل من راسو شاب  في سن ال60* ولا كل من قادر كبارو  صبحو أسيادو

ولا كل من  احضر  مع الناخبين*  راه  ينتخب  ولا حط ورقتو في قعادو

أسمع ليا  وأنت الراجل الزين* ماك صاحب شيطان  ماتلبي مورادو
اسمك  إنسان  مخلوق من التراب والطين* من حوا و ادم والربح قصادو
أقعد قعدة من ذوك الزينين*  وتعوذ بالله من شر عبادو
وسمي بسم الله رب الثقلين*  وادعيلهم بالخير   ويحفض روادو
 قاضني   حال الناس وكلنا مقصودين*  خابت النيات  وذنوبنا زادو
باه يجملوا لصوات خلطو الحق بالطحين*  والكذبة تربات  وعلى النفاق اعتادو
ضاعت الحقوق بسم الرب والدين* وبسم القوانين  سرقونا قيادو
سالني نقلك في عمري47* اتعددت  لحزاب  ماجتمعو على حق ماهم في بلادو
صكو داب ! أجرب راح بين البينين *  والشعب  يحلم ربي يصحيه ويفطن من رقادو
سميني عبد الرحمان  خوك في الوطن والدين*  مايقرا بالمقلوب  مايفهم أكثر من  اللي زادو !!!!!